依家我好怕同一種人傾計
就係嗰種成日都有好多野想做
但從未踏出過一步嘅 空 想 家 。
佢哋會成日將「我好想⋯」掛喺口邊
例如：「我好想減肥」「我好想拍拖」
「我好想辭職」「我好想搵多啲錢」
「我好想去邊度邊度旅行」「我好想實現咩咩咩夢想」
好多野都想，但從來都無嘗試過去實現。
想減肥但覺得做運動好攰、節食好難
想拍拖但覺得識人好難，玩交友App好伏好累
想辭職想搵多啲錢，但每日都準時番緊依家份閪工
想去旅行想實現夢想，但從來都無任何計劃、亦無儲錢。
Come on James，我已經唔係十八歲嘅少女
我無辦法再不停陪你空想。
以前細個我同身邊朋友都一樣，好多野都好想做
但當時真係得個想，因為覺得自己無能為力只有幻想。
但我哋已經係接近三十歲嘅中年，
我接受唔到大家仲停留喺十八歲嘅齋想像狀態。
人生苦短，生活好難
有野想做不如試下去做，唔好9up
何況好多時大家想做嘅野並唔係改變世界般困難
明明就係做得到，只係決心不足而已。
唔好每次見到朋友都呻「我好想咁咁咁」
毫無計劃，淨係幻想嘅無病呻吟其實好煩
「想 我都想好似中咗頭獎」
我夠好想改變世界，但日日得把口喺度講嘅
除咗為世界增添負能量外，我諗唔到對世界有咩改變。
我哋都唔再係十八歲嘅青春少艾
我哋已經係一個踏入社會多年嘅成人了
有好多野其實只要你有足夠嘅渴望，你都會做得到
只要肯下定決心，就唔使停留喺9up狀態。
與其繼續口號式抗爭（社會也好，生活亦好）
不如踏出一步啦。
至於我自己係點樣將空想化為行動，
我將自己嘅經驗打咗上Patreon：https://bit.ly/2LJV14H
//
鍾意睇我嘅文字，都可以踏出一步呀！
出手助養我嘅文字寫作，可以去Patreon：
https://www.patreon.com/hkgirlfriend
（Patreon收入會將一半捐去612基金）
IG：@hkgirlfriend
FB：港女友
Search